प्रदेश सरकारसँग प्रहरी प्रशासन नभएकोमा मुख्यमन्त्री कृष्ण यादव असन्तुष्ट

३० फागुन, जनकपुर । मधेस प्रदेशका मुख्यमन्त्री Krishna Yadav ले प्रदेश सरकारसँग आफ्नै प्रहरी प्रशासन नहुँदा असन्तुष्टि व्यक्त गरेका छन्। विश्वका धेरै मुलुकमा सरकारसँग आफ्नै प्रहरी प्रशासन हुने भए पनि नेपालमा भने प्रदेश सरकारहरूले यस्तो अधिकार नपाएको उनले बताएका छन्।

जनकपुरमा आयोजित एक कार्यक्रममा बोल्दै मुख्यमन्त्री यादवले संविधानले परिकल्पना गरेको अधिकार प्रदेशले अझैसम्म पूर्ण रूपमा नपाएको गुनासो गरे। संविधान जारी भएको आठ वर्षभन्दा बढी समय बितिसक्दा पनि प्रदेश सरकारलाई आवश्यक अधिकार हस्तान्तरण नभएको उनको भनाइ छ।

कार्यक्रममा उनले राष्ट्रिय स्वतन्त्र पार्टीका वरिष्ठ नेता Balen Shah ले जनकपुरको तिरहुतिया गाछीमा दिएको अभिव्यक्तिको स्मरण गर्दै प्रदेशले नमागीकन अधिकार दिन खोजेकोमा धन्यवादसमेत व्यक्त गरे।

मुख्यमन्त्री यादवले मधेस प्रदेशमा प्रहरीको भौतिक संरचना अत्यन्तै कमजोर रहेको उल्लेख गरे। माओवादी द्वन्द्वकालमा क्षति भएका भग्नावशेष भवनहरूमा अहिले पनि प्रहरी बस्न बाध्य रहेको भन्दै यसको सुधार आवश्यक रहेको उनले बताए।

त्यस्तै, जेनजी आन्दोलनका क्रममा धेरै स्थानमा प्रहरीका सवारीसाधन जलाइएको र नष्ट गरिएको भन्दै त्यसको पूर्ति गर्ने जिम्मेवारी पनि थपिएको उनले बताए। प्रदेश प्रहरीलाई सुदृढ बनाउन प्रदेश सरकार मात्र होइन संघीय सरकारको पनि बराबर जिम्मेवारी हुने उनले बताए।

यसैबीच, उनले २०८२ फागुन २१ गते सम्पन्न प्रतिनिधिसभा सदस्य निर्वाचन भयरहित, निष्पक्ष र शान्तिपूर्ण रूपमा सम्पन्न गराउन भूमिका खेलेको भन्दै सुरक्षा निकायको प्रशंसा पनि गरेका छन्।