महाकालचौर र सिनामंगलमा ‘हाई–प्रोफाइल’ मतदान
बिहान ७ बजे नै लाइनमा रवि र बालेन, चुनावी माहोल थप तात्यो!
काठमाडौँ । प्रतिनिधि सभा सदस्यका लागि हुने निर्वाचनको पूर्वसन्ध्यामा राजधानीका दुई मतदान केन्द्र विशेष चर्चामा छन्। Rabi Lamichhane ले काठमाडौं क्षेत्र नम्बर ३ अन्तर्गत महाकालचौरस्थित उपत्यका खानेपानी लिमिटेड परिसरबाट बिहान ७ बजे मतदान गर्ने कार्यक्रम रहेको छ।
त्यस्तै Balendra Shah पनि बिहान ७ बजे नै सिनामंगलस्थित अन्नपूर्ण इंग्लिस स्कुलको मतदान केन्द्रबाट मत हाल्ने तयारीमा छन्।
दुवै चर्चित अनुहार एकै समयमा मतदान केन्द्र पुग्ने भएपछि राजधानीमा चुनावी चहलपहल अझ बढ्ने अनुमान गरिएको छ। समर्थकहरू उत्साहित देखिएका छन् भने सुरक्षा व्यवस्था पनि कडा पारिएको छ।
निर्वाचन आयोगले शान्तिपूर्ण, भयरहित र निष्पक्ष मतदानको वातावरण सुनिश्चित गरिएको जनाएको छ। मतदाता सहभागिता बढ्ने अपेक्षा गरिएको छ।