काठमाडौं
सरकारले स्वास्थ्य सेवाका उच्चस्तरीय पदाधिकारीहरूको सरुवा तथा पदस्थापन गरेको छ। मन्त्रिपरिषद्को निर्णयअनुसार कोशी प्रदेशका स्वास्थ्य सचिव राधिका थपलियालाई स्वास्थ्य तथा जनसंख्या मन्त्रालयमा सरुवा गरिएको छ। उनका स्थानमा मन्त्रालय अन्तर्गत कार्यरत डा. यदुचन्द्र घिमिरेलाई कोशी प्रदेशको स्वास्थ्य सचिवका रूपमा प्रस्ताव गरिएको छ।
सचिव थपलिया विगत केही समयदेखि विवादमा समेत थिइन्। उनले छात्रवृति करार का चार जना चिकित्सकलाई यातायात कार्यालयमा सरुवा गरेको विषय विभिन्न निकायमा उठ्दै आएको थियो। उक्त निर्णयको विरोध नेपाल मेडिकल एशोसिएशनका अध्यक्ष डा. अनिल कार्की, नेपाल मेडिकल काउन्सिलका सदस्य डा. हुलास अग्रवाल लगायतले निरन्तर रूपमा गर्दै आएका थिए।
त्यसैगरी, प्युठान अस्पतालका प्रमुख डा. अर्याललाई मधेश प्रदेशको स्वास्थ्य सचिवका रूपमा पठाइएको छ।